| تبليغات | X |
موسیقی بختیاری * گروه ۷مهر
 ممنون از دوستانی که از این وبلاگ دیدن میکنند . این وبلاگ شامل آهنگ های قوم بختیاری می باشد و شما می توانید آنها را دانلود کنید و همچنین اگر اشکالی در وبلاگ و یا دانلود آهنگها وجود دارد با نظر دادن موضوع را به ما اطلاع دهید تا آن را برطرف کنیم . موفق باشید(گروه 7مهر)
|
متن ترانه های بهیگ و گرمسیر (وارنو) بهیگ وريستين وريستين اوردن بهيگه به سر چادر اسپيد و افتو و تيگه ددوم درگله جم بكن دور چاله بكش پيش پاس گو تو نرميشه كاله ز آستاره ها گل بريزين به شونس بدين مه و افتو نه سي ريگوشونس ددوم رو بكن چالنه پر ز انگشت بريزين به چاله مله گرگ ودينشت بگوين ميشكاله بكش ساز كرنا جغليل سي بازي وريستانه وا پا بزن تركه بازي به چوپي و سرناز وري ميشكال دي بكن هوف منه ساز بوازين و توشمال برين وا نيا سون برين خرسكانه ونين زير پاسون بهيگه برين در بدين دور تش كر بريزين به تش زاگ اسپيد و كندر وريستين اوردن بهيگه سواره ز آستاره ميل پا و دستينه داره سي نفتس يه خالك ز افتو بيارين سي گوشواره هاس مه نه از ره درارين نها تش و كه برچه برچه جهازس بدين هر چه خواستن ولا ايبرازس جهاز برين و بچينين سر چل بخونين دوالالي و هي گل اي گل دوانه بگوين رخته نو نه به ور كن وري زي تري گو دي مال خور كن بزن ميشكال تا كه مردم جمابون دهل كو بكو گوش شيطون كر كن بوازين سه پا و بگردين و چوپي دهل كو بكو چوبه سرناز و كركي بگوين هي گل هي گل سي بخت سفيدس بريزين نمك پره چشم حسيدس
گرمسیر گرمسير گرمه گرمه ولا و باد گرم اياره كاشكي كه زيتر مال بار كنه بريم ايلاق دوباره گرمسير گرمه باين بار كنيم گويل بريم سي سرحد بزنيم يه وار نو بهليم اي كهنه واره كهه زردنه بگوين بگوين كرديمه گردواري که تی به ره بو تا كه مالا بيان ز آسماري كهه زردنه بگوين بگوين منديرمون بو گردواري كرديمه پاك وا با مهه نو كهه زردنه بگوين بگوين كوگس بخونه سر چارده نومه خدا دي مال كنونه كاشكي كه يه سال مالا ونن پا چشمه ساري هر كسي بره صب تا پسين و دينه كاري كاشكي كه يه سال مالا ونن وار برافتو هر كسي بره به دينه كاري هرصو تا سر شو شو يه تشه تنگي بزنيم ز هيمه كلخنگ ميشكاله بگوين بگوين منشينه بي دنگ شو يه تشه تنگي بزنيم ز هيوه بايوم ميشكاله بگوين بگوين هوف كنه قايوم باين يه تشه تنگي بزنيم دورس بوازيم ميشكال اي هوف كن به ساز همه مندير سازيم نوشته شده توسط علی خدادادی کریموند | لینک ثابت | موضوع: |
|
 |
